E ti que comes?

Unha das actividades feitas durante este curso pasado estaba relacionada coa comida. Porque as persoas seremos todas diferentes e estrañas, pero ao final, todas temos fame e gostamos de levar un bo xantar á boca.

Así que en clase de Francés, o alumnado de 2º da ESO coñeceu un dos pratos reis da cociña senegalesa, o tie-bou-dienne, aprendendo léxico relacionado coa alimentación e a maneira de escribir instrucións.
A base do tie-bou-dienne é o arroz, que se prepara con verduras variadas e carne de cordeiro. unha delicia.

E despois o segundo paso: enviarlles aos nosos amigos e amigas do CEM Hann receitas culinarias desta parte do mundo. Por se queren aprender a cociñalas. Xa van camiño de Dakar.

Por certo, xa que andamos nisto dos xantares, sabede que esta fin de semana na Arousa, se celebra a Festa da Navalla.

de dornas e caiucos 2

O primeiro paso para respectar as culturas alleas é ter coñecemento, amor e respeito pola propia. Na Arousa non haberá problema. Porque aí temos a Salva e Lino de protagonistas en Brest, representando o relevo xeracional no mundo da cultura marítima galega. As fotos son de vieiros.

a polo ghit 08

Pulpiño Viascón lembrouse das persoas inmigrantes na canción coa que participa no Apologhit, concurso musical organizado polo Xornal vieiros e a Radio Galega. Votemos para que sexa esa a canción galega do verán. Entretanto, o video da canción coa que gañou hai dous anos.

sereas negras no mar

Despois do acontecido nas costas do sur durante a semana pasada, colle sentido a suxerencia que Bilal nos fixo cando veu a mesa redonda: que meditemos nas razóns que poden levar a unha persoa a arriscar a súa vida e a dos seus fillos nunha viaxe tan perigosa. En que mundo vivimos?

revista de fin de semana 3.

No EPS deste domingo, unha reportaxe da que podemos sacar moito partido: fala da xeración i, é dicir, da primeira xeración multicultural no noso país.

de mugabes e ditaduras

Cimbabue ven de proclamar presidente a Robert Mugabe ou bem Mugabe ven de autoproclamarse presidente de Cimbabue. Tedes información sobre a situación neste país aquí, aquí, aquí. En africanidades resumen unha breve reflexión de France Press sobre os moitos Mugabes que hai en África.

de Europa e de retornos

Na presentación que preparamos sobre Senegal, puxemos imaxes da Illa de Goreé, centro de internamento de escravos en Dakar, e imaxes da PORTA SEN RETORNO, da cal partían os escravos para non volver ver a súa terra.
Hoxe o conto é distinto, pero no fondo o mesmo: O Parlamento Europeo ven de aprobar unha nova directiva, chamada casualmente DO RETORNO, que permite a repatriación inmediata das persoas inmigrantes, sen atención legal, e a súa retención, tamén se apoio legal, até durante 18 meses. Esta medida está a ser contestada en múltiplos espazos, algúns tan chamativos como a presidencia do goberno de Bolivia, dos que a rede é unha boa mostra. Tedes opinións en brétemas, sihomesi, periodistas21, altermundo, juegodetronos, africanidades e moitos máis. Deste último chegamos á Arxentina, de onde chega unha reflexión que comeza así:

Desde hace 5 siglos las Américas han absorbido a decenas de millones de europeos. Incluso, después de expulsar a las coronas europeas, el nuevo mundo siguió recibiendo inmigrantes del viejo mundo que huían de crisis, guerras y persecuciones.

Hoxe nós pechámoslles as portas. O caso é impedir a volta a quen a desexa e a permanencia a quen a necesita...